Lolo, nabangga ng motorsiklo, dedo
MANILA, Philippines — Isang 60-anyos na lalaking senior citizen ang nasawi matapos mabangga ng isang motorsiklo habang naglalakad sa kahabaan ng E. Rodriguez Highway, Rizal, kamakalawa.
Kinilala ang nasawi na si Dante Vasquez, scavenger, at residente ng Brgy. San Jose, Rodriguez, bunsod ng matinding pinsala sa ulo at katawan.
Agad na naaresto at mahaharap sa kasong Reckless Imprudence Resulting to Homicide ang suspek na kinilalang si alyas ‘Jomari,’ 19, estudyante, at residente rin ng naturang lugar.
Sa ulat ng Rodriguez Municipal Police Station, bago naganap ang aksidente, alas-12:40 ng madaling araw ay minamaneho ni Jomari ang isang Honda PCX 160 motorcycle patungong Brgy. Manggahan at pagsapit sa naturang lugar ay aksidente nitong mabangga ang biktima.
- Latest
