Bangkay ng lalaki bumulaga sa sinkhole

MANILA, Philippines — Isang bangkay ng lalaki ang natagpuan sa isang sinkhole sa bayan ng Carmen, Cebu.

Ang sink hole ay tinatayang nasa 20 hanggang 30 talampakan ang lalim na matatagpuan sa Purok Mahogany, Brgy. Sac-on, Carmen.

Ayon sa Carmen Police Station, isang konsehal ng Brgy. Lower Natimao-an ang nagtimbre sa pulisya sa natagpuang patay sa isang sinkhole, alas-6:00 ng umaga nitong Disyembre 12.

Ang nasawing lalaki na nasa 35-anyos ay isa umanong chainsaw ope­rator at residente ng Barangay Lower Natimao-an sa Carmen din.

Agad namang iniahon ng mga pulis kasama ang mga miyembro ng Municipal Disaster Risk Reduction and Management Office at Bureau of Fire Protection ang bangkay.