200 kawani ng OVP mawawalan ng trabaho - VP Sara

MANILA, Philippines — Nasa P200 kawani ng Office of the President (OVP) ang posibleng mawalan ng trabaho kung hindi maibabalik ang P1.3 bilyong tinanggal ng House of Representatives (HOR) sa P2.026 bilyon panukalang pondo para sa 2025.

Ayon kay Vice Presidente Sara Duterte, kung matutuloy ang pagtapyas sa panukalang budget ay magsasara ang iba nilang satellite offices sa iba’t ibang bahagi ng bansa.

“Approximately lang ito, 200 contract of service personnel, karamihan sa satellite offices. Meron din dito dahil malaki rin ang operations ng National Capital Office (NCR),” pahayag ng Bise Presidente sa panayam ng mga reporter.

Nakadepende aniya sa budget ang operasyon ng mga satellite offices.

Umaasa naman ang Bise Presidente na maibabalik ang inawas na pondo sa kanyang tanggapan para magtuluy-tuloy pa aniya ang trabaho ng ilang personnel ng OVP.

Dumalo si Duterte sa plenary deliberations ng Senado sa panukalang budget ng OVP na naaprubahan ng wala pang 10 minuto.