Pangulong Marcos ‘di dadalo sa APEC Summit

MANILA, Philippines — Hindi dadalo si Pa­ngulong Ferdinand Marcos Jr. sa Asia Pacific Economic Cooperation (APEC) Summit sa Lima, Peru na itinakda sa Nobyembre 10 hanggang 16, 2024.

Ayon kay Presidential Communications ­Operations Office Acting Secretary Cesar Chavez, magpapadala na lamang ng kinatawan ang Pa­ngulo sa summit sa katauhan ni acting Trade and Industry Secretary Ma. Cristina Roque na itinalaga ng Pangulo bilang Special envoy of the President to the Asia-Pacific Economic Cooperation Economic Leaders’ week.

Ayon kay Secretary Chavez, mas prayoridad ng Pangulo na harapin ang mga panloob na ­usapin ng bansa kabilang dito ang ginagawang pagtugon ng gobyerno sa naging epekto ng mga nagdaang kalamidad.