6 pa bagyo, inaasahang papasok sa PAR

MANILA, Philippines — Bago matapos ang taong 2024 ay inaasahang may anim pang mga bagyo ang papasok sa Philippine Area of Res­ponsibility (PAR).

Ito ang sinabi ni Chris Perez,officer-in-charge ng PAGASA Weather Division batay sa kanilang weather outlook para sa huling quarter ng taong kasalukuyan.

Anya sa pagpasok ng Oktubre ay walong bagyo ang naiulat na papasok pa sa bansa bago matapos ang buwan ng Dis­yembre at dahil pumasok ang bagyong Kristine at bagyong Leon ay may aasahan pa silang anim na mga bagyo.

Tinaya din ni Perez na hanggang sa pagtatapos ng taong ito ay mas malalakas na bagyo ang tatama sa bansa at maa­aring tumawid ng kalupaan ng ating bansa.

Si Bagyong Leon ay pang -12 bagyo na pumasok sa ating bansa.