Sa programa ng breast cancer
MANILA, Philippines — Ginawaran ang Taguig City ng Galing Pook Award para sa kanilang makabago at epektibong programa kontra breast cancer ang “Ating Dibdibin.”
Ang parangal na ito ay pagkilala sa mga inobasyon ng lokal na pamahalaan na may positibong epekto sa mga komunidad.
Mula sa 147 na entry sa 111 na lokal na pamahalaan, napabilang ang Taguig sa 18 na finalist at napili bilang isa sa 10 na nanalo ng Galing Pook Awards 2024.
Itinatag noong 2012 katuwang ang ICanServe Foundation, ang “Ating Dibdibin” ay isang programang nakatuon sa maagang pagtuklas at paggamot ng breast cancer. Pinagtibay ito sa pamamagitan ng mga lokal na ordinansa at may sistema ng patient navigation na nagsisilbing modelo para sa ibang lokal na pamahalaan.
“We believe every breast cancer patient deserves a second chance at life. Every home deserves a happy, healthy mother, sister, or daughter. We continue to intensify our efforts to keep families together. Ating Dibdibin ang laban sa breast cancer,” ani Mayor Lani sa kanyang presentasyon sa harap ng mga hurado ng Galing Pook noong Miyerkules, Oktubre 23.