MANILA, Philippines — Dalawang tama ng bala sa ulo ang tumapos sa buhay ng isang 54-anyos na lalaki nang barilin habang nakikipag-inuman sa isang birthday party sa Sitio Berhinan, Barangay Manggalang 1, Sariaya, Quezon, kamakalawa ng gabi.
Hindi na umabot ng buhay sa ospital ang biktima na nakilalang si Roderick Geron 54, habang tugis na ang suspek na si alyas Enrico.
Ayon sa Sariaya PNP, alas-6:30 ng gabi ay nakikipag-inuman ang biktima sa birthday party ng kapitbahay nang biglang dumating ang suspek at walang sabi-sabi itong pinagbabaril.
Nang matiyak na patay na ang biktima ay naglakad lamang ito papatakas bitbit ang baril na ginamit sa krimen.
May hinala ang pulisya na kaalitan ng biktima ang suspek na nakakita ng pagkakataon para isagawa ang pamamaslang