2 tinedyer nalunod sa ilog
MANILA, Philippines — Kapwa patay na nang maiahon sa ilog ang magkaklase matapos na sila ay malunod sa ilog, kamakalawa sa Brgy. Laurel, Tanauan City, Batangas.
Kinilala ang mga nasawing biktima na sina Ron Gabriel Completo Mercado, 15-anyos ng Dulce Pueblo Solena Subd., Brgy Bubuyan, Calamba City, Laguna at Jomat Roslin Masapol, 14- anyos kapwa, grade 10 student, ng Southville 6, Brgy. Kay-Anlog, Calamba City.
Sa imbestigasyon ng pulisya, bago naganap ang insidente, alas-6:00 ng hapon ay nagkayayaang maligo ang mga biktima kasama ang iba pang mga kaklase sa nasabing ilog nang mapadako sa malalim na bahagi ng ilog sina Mercado at Masapol.
Ayon sa mga nakasaksi, tila hinigop pailalim ang dalawang biktima na tinangka pa umanoong iligtas subalit tuluyan nang lumubog ang mga ito.
Makalipas ang mga ilang minutong rescue operation, narekober ang katawan ng mga biktima na pawang mga patay na.
- Latest
