MANILA, Philippines — Isang pulis ang nasugatan sa nangyaring pagsabog ng improvised explosive device sa Isabela City, Basilan noong Linggo ng gabi.
Sa inisyal na ulat ng Basilan Police Provincial Office, alas-9:30 ng gabi ay sumabog ang sinasabing itinanim ang IED malapit sa Community Police Assistance Center (COMPAC) detachment sa Barangay Sunrise.
Nagpapatuloy pa ang ginagawang imbestigasyon ng mga otoridad sa pangyayari.