Marcos inanunsyo ang senatorial slate ng administrasyon

September 27, 2024 - 12:00am

Pinangunahan ni Pangulong Ferdinand R. Marcos Jr. ang ‘Alyansa Para sa Bagong Pilipinas’ convention na nagpatibay sa alyansa ng limang major political party sa bansa: Partido Federal ng Pilipinas (PFP), Lakas-Christian Muslim Democrats (CMD), Nationalist People’s Coalition (NPC), Nacionalista Party (NP), at National Unity Party (NUP). Ginawa ang convention sa PICC, Pasay City kahapon kasama sina South Cotabato Governor Reynaldo Tamayo Jr. (PFP), House Speaker Ferdinand Martin Romualdez (Lakas-CMD), Presidential Adviser on Legislative Affairs at PLLO Secretary Mark Llandro Mendoza (NPC), Sen. Mark Villar (NP), at Camarines Sur 2nd District Rep. Luis Raymund Villafuerte Jr. (NUP).

MANILA, Philippines — Inanunsyo kahapon ni Pangulong Ferdinand “Bongbong” Marcos Jr. ang senatorial slate ng administrasyon para sa 2025 midterm elections.

Kasama sa slate ang mga sumusunod: Interior Secretary Benhur Abalos; Makati City Mayor Abby Binay; Senator Pia Cayetano; Senator Lito Lapid; Senator Francis Tolentino; Senator Imee Marcos; Senator Ramon “Bong” Revilla Jr.; dating Senador Manny Pacquiao; dating Senador Panfilo Lacson; dating Senador Vicente Sotto III; Deputy Speaker Camille Villar; at dating Social Welfare and Development Secretary Erwin Tulfo.

Ginawa ni Marcos ang anunsyo sa Alyansa Para Sa Bagong Pilipinas Convention sa Philippine International Convention Center (PICC) sa Pasay City.

Ayon sa Pangulo, hindi nakadalo ang kanyang kapatid dahil nauna na itong nangangampanya.

Nabatid naman na tuwing araw ng Huwebes, sasama si Pangulong Marcos sa pangangampanya sa 12 kandidato.

SPONSORED ARTICLES