MANILA, Philippines — Makaraang patikimin ang mga motorista ng dalawang linggong oil price rollback ay raratsada naman ang pagtaas ng presyo ng mga produktong petrolyo sa susunod na linggo.
Sa abiso ng mga kompanya ng langis, aabutin ng mula 40 sentimos hanggang 90 sentimos ang itataas sa kada litro ng gasolina, aabutin naman ng 40 sentimos ang taas sa kada litro ng diesel at 20 sentimos ang taas presyo ng kada litro ng kerosene.
Anya, ang pagbawas sa interest rate sa US Federal Reserve na nagdulot ng pagtaas ng demand ang naging ugat nang magaganap na oil price hike na ipinatutupad tuwing Martes.