Rep. Erwin Tulfo angat uli sa senatorial survey
MANILA, Philippines — Muli na namang namayagpag at lumawak pa ang lamang ni ACT-CIS partylist Rep. Erwin Tulfo sa kanyang mga katunggali sa darating na 2025 midterm elections, batay sa pinakahuling survey na ipinalabas ng market research firm na Tangere.
Ang 2025 Tangere Senate Survey, na isinagawa nitong Setyembre 9-13, ay nagsasabi na nakakuha si Rep. Tulfo ng 58% ng voter preference, o mas mataas sa kanyang 56.29 % na nakuha sa isinagawang survey ng Tangere nitong Agosto.
Ayon sa Tangere, nakakuha ang mambabatas na score na “very high” sa lahat ng lugar sa bansa, lahat ng age groups at lahat ng socio-economic classes. Nasa ikalawang pwesto naman si dating Pres. Rodrigo Duterte na may 49% nitong Setyembre.Tumaas ang kanyang bilang mula sa 47.83 nitong nakaraang Agosto.
Nasa ikatlong pwesto si Sen, Pia Cayetano- 46.5%; (4) Sen. Bong Go-44.5%; (5)ex-Senate Pres. Vicente “Tito” Sotto III-44%; (6)Ben Tulfo- 42.96%; (7)ex-Sen. Manny Pacquiao-41.63%; (8) Makati Mayor Abby Binay-36.91%; (9) Interior and Local Government Secretary Benjamin “Benhur” Abalos Jr.-34%; (10)Sen. Lito Lapid-33.67% (11)Sen. Francis Tolentino-32.5%; at (12) Sagip Party-list Rep. Rodante Marcoleta-31%.
Ayon ng survey ay isinagawa sa pamamagitan ng mobile-based respondent application na may sample size na 2,400 participants. Gumamit ng stratified random na sampling o quota-based method ang Tangere na ipinakalat sa iba’t ibang bahagi ng Pilipinas.
- Latest
