Driver/bodyguard napagkamalang amo, todas
MANILA, Philippines — Isang driver-trusted aide ng may-ari ng Lady Land Developer ang nasawi nang pagbabarilin ng riding-in-tandem sa pag-aakalang ito ang may-ari naganap kamakalawa ng hapon sa Brgy. San Pedro, San Pablo City, Laguna.
Kinilala ang nasawing biktima na si Zeus Javier Magnaye, 31, na nagtamo ng maraming tama ng bala sa kanyang katawan.
Ayon kay San Pablo City police chief, P/Lt. Col. Wilhemino Saldivar Jr. na ang biktima ay posibleng napagkamalan ng mga suspek na siya ang boss ng land developer firm. Sinabi ni Saldivar na dalawang armadong lalaki na kinilalang sina Gerald Zita 20, isang nangungunang kolektor at kasabwat nitong si Arjie Almanzor, 23, tubong Masbate ay naaresto sa hot pursuit operation sa katabing lugar ng Barangay San Pedro, San Pablo City ilang sandali matapos ang krimen.
Nabatid na si Magnaye at ang kanyang amo na nakilalang si alyas Castillo ay sakay lamang ng motorsiklo galing sa kanilang kliyente at papunta sa bahay ng may-ari at may dalang malaking pera nang pagbabarilin ng nakamotor na mga suspek.
- Latest
