Mayor Belmonte, nanguna sa top 10 performing mayors sa Metro Manila
MANILA, Philippines — Nanguna si Quezon City Mayor Joy Belmonte sa Top 10 performing mayors sa Metro Manila.
Ito ay batay sa resulta ng idinaos na prestihiyosong Social Pulse Survey: Pulso ng Bayan para sa Agosto 2024, na nagpapakita sa top performing mayors sa metro.
Nabatid na si Belmonte ay nakakuha ng 91.1% approval rating; sumunod sina Pasay City Mayor Emi Calixto-Rubiano,-90.6%; Pasig City Mayor Vico Sotto-90.1%; at Makati City Mayor Abby Binay-89.3%; at Manila Mayor Honey Lacuna-88.7%.
Pasok din sa top 10, sina Valenzuela City Mayor Wes Gatchalian-87.3%; Parañaque City Mayor Eric Olivares-86.8%, Navotas City Mayor John Rey Tiangco-85.4%; Marikina City Mayor Marcelino Teodoro-83.2% at Malabon City Mayor Jeannie Sandoval-82.8%.
Ang naturang survey ay base sa feedback mula sa mga adult respondents at mayroong margin of error na ±3% at confidence level na 95%.
Layunin nitong sukatin ang public sentiment hinggil sa performance ng local leaders.
- Latest
