Death toll kay ‘Enteng’: 15 na
MANILA, Philippines — Pumalo na sa 15 katao ang nasawi dulot ng bagyong Enteng.
Ito ang iniulat ng Office of the Civil Defense (OCD) kay Pangulong Ferdinand Marcos Jr. sa situation briefing sa National Disaster Risk Reduction and Management Council (NDRRMC) headquarters sa Camp Aguinaldo.
Ang mga nasawi ay nagmula sa mga lalawigan ng Rizal province, Cebu City, Northern Samar, Naga City at Negros Occidental. Habang nasa 21 katao naman ang naiulat na nawawala at 15 pa ang sugatan.
Sinabi ni Pangulong Marcos, na dapat magkaroon ng mas dynamic na assessment ang PAGASA sa pagbibigay ng babala sa lagay ng panahon.
Dapat din aniya na paghandaan ang dalawa pang parating na bagyo sa loob lang ng buwan na ito.
Inamin naman ng pangulo na naubos na ang stockpile ng Department of Social Welfare and Development (DSWD) dahil sa pagdaan ng bagyong Carina.
Pero, tiniyak naman ni Pangulong Marcos na nakabili na ng karagdagang supply ang DSWD at sa ngayon ay nagre-repack na para maipamahagi sa mga nasalanta ng bagyong Enteng.
- Latest
