MANILA, Philippines — Isang pulis ang inaresto at ikinulong matapos ireklamo ng kanyang nobya nang pambubugbog nitong Lunes ng gabi sa Barangay Rosario, Gumaca, Quezon.
Kinilala ang pulis sa alyas Edward, 37, nakatalaga sa Buenavista municipal station.
Lumilitaw sa report, alas-10:30 ng gabi ay nasa bahay ng pulis na suspek na noon ay nakainom ang kanyang nobya na si “MJ”, isang promodizer, ng Brgy. Progreso, Gumaca nang magkaroon sila ng pagtatalo sa hindi pa nabanggit na kadahilanan.
Sa kasagsagan ng pagsasagutan ay pinagsusuntok ng pulis sa ulo ang kasintahan na nagtamo ng mga pasa at bukol.
Agad na nagpasaklolo ang biktima sa barangay at pulis na ipinaaresto sa mga kabaro nito.
Nahaharap ang pulis sa kasong paglabag sa R.A 9262 o Physical Abuse.