Incest rape, child pornography, lumala
MANILA, Philippines — Nagpahayag ng pagkaalarma ang Department of Justice (DOJ) sa lumalaking bilang ng incest rape at child pornography sa bansa.
Batay sa datos na ibinigay ng isang non-governmental organization sa DOJ, may naitala silang 500 kaso ng incest rape. Ito ay sexual intercourse sa pagitan ng magkakadugo o magkamag-anak.
“Probably, one thing that we should think about, based on th figure give to us by the NGO that support the driver of th DOJ on sa Anti-Online Sexual Abuse or Exploitation of Children (OSAEC) and incestuous rape, they y estimate the number of victims more than 500 within the country,” pahayag ni Justice Secretary Crispin Remulla sa pagdinig ng panukalang 2025 budget ng Department of Justice.
Nakadagdag pa umano sa pagtaas ng kaso ang child pornography kaya’t hindi ito dapat ipagsawalang bahala ng gobyerno.
“It’s an epidemic proportions talaga and people just keep silent about it hindi lang talaga napapag-usapan, pero napakabigat na problema po ito na that we have to address sooner than later,” sabi pa ng kalihim.
“Naniniwala ako na ganoon karami ho talaga yan. Kasi pag nakita n’yo yung child pornography talagang iba na ang value system na umiiral sa mga tao, pera-pera na lang wala nang kaluluwa ang tao. Talaga nakakapanlumo kung iisipin natin, yung ginagawa nila para lang kumita ng pera,” dagdag pa niya.
Sabi pa ni Remulla, kailangan magkaroon ng ‘whole government approach’ para mapigilan ang lumalalang problemang ito.
- Latest
