2 babaeng drug pusher, timbog sa P3 milyong shabu
MANILA, Philippines — Dalawang babaeng drug pusher na kabilang sa high value individual (HVI) ang naaresto ng Southern Police District (SPD), sa isinagawang buy-bust operation, sa Taguig City, kahapon ng madaling araw.
Kinilala ang mga suspek na sina alyas “Arianne”, 37-anyos; at alyas “Jopann”, 29-anyos na sinasabing dati nang mga naaresto sa illegal drugs.
Naganap ang buy-bust sa Barangay Rizal, Taguig City, ala-1:15 ng madaling araw ay nasamsam ang anim na plastic packs na naglalaman ng 450 gramo ng shabu na may street value na P3,060,000.00.
Narekober ang marked money at isang cellphone na ginamit sa transaksyon. Nakatakdang isailalim sa inquest proceedings sa Taguig Prosecutor’s Office ang dalawa.
- Latest