MANILA, Philippines — Isa umanong repleksyon na gusto ng publiko ang ginagawa ng mga miyembro ng Kamara de Representantes dahil sa malaking pagtaas sa performance rating ni Speaker Ferdinand Martin Romualdez.
“Ako po ay nagpapasalamat una sa Poong Maykapal dahil sa latest Social Weather Stations (SES) survey, na nagsasabing tumaas po ang kumpiyansa ng publiko sa ating ginagawa bilang Speaker ng kongreso,” ani Speaker Romualdez.
“Nariyan din po ang taos pusong pasasalamat ko sa aking mga kasamahan sa kongreso kung hindi sa kanila, marahil marami pa tayong mga pending bills na nakatiwangwang lang dyan,” ayon sa representante mula sa Tacloban City.
“Ang 16-point increase sa ating net satisfaction rating, na ngayon ay nasa +29 na, ay testamento rin sa dedikasyon ng aking mga kasamahan sa kongreso sa paggawa ng kanilang tungkulin bikang mambabatas,” ani Romualdez.
“Ang lahat ng ito ay repleksyon hindi lang ng ating pumuno kundi ang seryoso paggawa at pagbalangkas ng mga batas para sa ikabubuti ng buhay ng bawat Pilipino,” dagdag pa ni Romualdez.
Nangako si Speaker Romualdez na patuloy na magtatrabaho upang mas mapabuti ang kalagayan ng mga Pilipino.