HVI timbog sa P13 milyong shabu sa Zambo

MANILA, Philippines — Isang lalaki na umano ay nasa listahan ng high individual value ang naaresto ng mga otoridad sa isinagawang buy-bust operation kahapon ng madaling araw sa Zamboanga City.

Nasamsam sa 37-anyos na suspek ang nasa 2 kilo ng shabu na aabot sa P13 milyong halaga ng shabu.

Ayon kay Philippine National Police-Drug Enforcement Group (PNP-DEG) Director PBGen. Eleazar Matta na ikinasa ang buy-bust, alas-12:00 ng madaling araw sa Yubenco, Barangay San Jose Gusu, Zamboanga City.

Sinabi ni Matta na nakatanggap sila ng tip na may transaksiyon kaya isinagawa ang beripikasyon saka ikinasa ang buy-bust. Inihahanda na ang kaso laban sa suspek.