3 gumamit ng pangalan ng PNP, CIDG chief timbog
MANILA, Philippines — Tatlong lalaki na sinasabing gumagamit sa pangalan nina PNP chief Gen. Rommel Francisco Marbil at CIDG chief Maj. Gen. Leo Francisco ang arestado dahil sa umano’y pangongotong sa mga illegal gambling operators sa Mindanao.
Sa press briefing sa Camp Crame, kinilala ni Francisco ang mga suspek na sina Jeffrey Sison at Neil Toledo; kapwa residente ng Pasig City, at Ralph Stephen Abrenica, ng San Juan, Batangas.
Nakalawit ang tatlo sa isinagawang dragnet operations sa Barangay Labangal, General Santos City, nitong Huwebes.
Ayon kay Francisco, matagal na silang nakatatanggap ng impormasyon hinggil dito, kaya nagsagawa na sila ng beripikasyon saka ikinasa ang operasyon na ikinaaresto ng tatlong suspek.
Inaalam na rin ng CIDG kung miyembro ang mga suspek ng sindikato at kung may kasabwat silang pulis.
- Latest
