5 pulis-Batangas kinasuhan ng murder sa pagpatay sa drug suspect

MANILA, Philippines — Kinasuhan ng murder ang limang pulis kaugnay ng pagkamatay ng isang drug suspect sa boundary ng Tiaong, Quezon at San Juan, Batangas noong Mayo 28.

Ayon kay P/Col. Jacinto Malinao, Batangas provincial director, na ang kasong  murder ay isinampa sa Lucena prosecutor’s office laban sa limang pulis na nakatalaga sa San Juan police station.

Sinabi rin ni Malinao sa resulta ng isinagawang pagdinig ng Kamara noong Martes na pina­ngunahan ng Provincial police office na walang naganap na  engkuwentro sa pagitan ng mga pulis at ang drug suspek na si  Bryan Laresma, alias Balot sa Barangay Lipahan at wala rin nakumpiskang illegal drugs at baril mula sa suspek na umano’y nakipagbarilan.

Sinabi rin ni Kenneth Lucas, Calabarzon police director, sa nasabing pagdinig ay nakitaan ng iregularidad ang limang pulis sa pagganap ng kanilang tungkulin.

Hindi naman kasama sa kinasuhan ang sinibak na si dating San Juan police chief na si Lt.Col. Jesus Lintag, dahil sa wala ito sa nasabing ope­ration at sinibak dahil sa “command responsibility.

Bukod sa kasong murder ay nahaharap din sa kasong administratibo ang limang pulis.