MANILA, Philippines — Dead on the spot ang apat na magsasaka na nag-iinuman nang s ratratin ng mga suspek ng M16 assault rifle kamakalawa ng gabi sa Brgy. Dumadalig, Tantangan, South Cotabato.
Kinilala ang mga nasawi na sina Jerry Tabamo Yuarata; Ronald Orin Vallespin; Argie Villas Villorente; at Marcelo Barnachea Combiz, pawang nasa hustong gulang habang nasugatan ang isang Freddie Reyes Tabamo.
Ayon sa pagsisiyasat ng Tantangan-MPS na nag-iinuman sa isang bahay sa Purok 5 Luayon ang limang magkaibigan nang dumating ang mga lalaking may mga bitbit na M16 assault rifles at walang habas silang pinagbabaril.
Nang masigurong napatay ng mga suspek ang mga target ay mabilis na nagsitakas ang mga ito.
Patuloy ang imbestigasyon ng pulisya kung sino ang mga salarin at motibo nang kanilang pagpatay.