Ex-PDEA agent Morales, professional liar! – Pangulong Marcos
‘Gaya ng jukebox na hinuhulugan ng pera’
MANILA, Philippines — Tinawag na “professional liar” at inihalintulad sa jukebox ni Pangulong Ferdinand “Bongbong” Marcos Jr., si dating Philippine Drug Enforcement Agency (PDEA investigation agent Jonathan Morales na may kinalaman sa “PDEA leaks”.
Matatandaan na si Morales ang nag-aakusa kay Pangulong Marcos at sa aktres na si Maricel Soriano na gumagamit umano ng iligal na droga, batay sa sinasabing nag-leak na dokumento noong 2012.
Sinabi ni Marcos sa isang ambush interview sa pagbisita nito sa General Santos City, na walang saysay ang mga pinagsasasabi ni Morales na kilalang “professional liar”.
Paliwanag ng Pangulo, may mga kasong “false testimony” si Morales kaya mahirap na paniwalaan ito lalo na at tila ang pagsisinungaling din ang kaniyang ikinabubuhay.
Inihalimbawa rin ng presidente si Morales sa isang jukebox na huhulugan ng pera para kantahin kung ano ang gusto.
“Mahirap naman bigyan ng importansya ‘yan. You know, this fellow is a professional liar at parang jukebox ‘yan. Kung anong ihulog mo --- basta maghulog ka ng pera kahit anong kantang gusto mo, kakantahin niya. Kaya wala, wala... Walang saysay. Tingnan mo na lang ang kanyang record,” ayon pa kay Pangulong Marcos.
- Latest
