Traffic enforcer itinumba ng tandem

MANILA, Philippines — Namatay noon din ang isang traffic enforcer nang pagbabarilin ng dalawang lalaki na sakay ng motorsiklo habang nagmamando ng trapiko sa Brgy. Talaba 4, Bacoor City, Cavite, kamakalawa ng gabi.

Kinilala ang nasa­wing biktima na si Edgar Domingo, nasa hustong gulang, traffic enforcer ng Bacoor City, dahil sa mga tinamong tama ng bala sa iba’t ibang bahagi ng katawan.

Sa ulat ng pulisya, alas-8:30 ng gabi ay kasalukuyang nagma­mando ng trapiko ang biktima sa Brgy. Talaba IV, intersection ng Zapote Kalinisan Road nang dumating ang isang motor sakay ang 2 suspek at sunud-sunod na pinagbabaril  ang biktima.

Nang masigurong napatay ang biktima ay tumakas ang mga ito sakay ng itim na Honda Air Blade na motor.