MANILA, Philippines — Isang babaeng public school teacher at kanyang lover ay nahuling hubo’t hubad at umano’y posibleng nagtatalik sa loob ng silid aralan ng Gallano Elementary School, Aringay, La Union, kamakalawa ng gabi.
Batay sa police report na ang guro ay kinilalang si Jonnalyn Dolatre, 41, at ang kanyang kalaguyo ay kinilalang si Chester Gabin, 40, ay nahuli sa akto ng mister ni Jonnalyn na si Donald Dolatre, 45, at anak nito sa loob ng Grade 4 classroom, pasado alas-9:30 ng gabi.
Napag-alaman na bago ang insidente na si Donald at anak nitong lalaki ay pupunta sa paaralan para bisitahin si Jonalyn at ganun na lamang ang kanilang pagkabigla sa pagbukas nila ng pinto ay nakita ang mag-lover na kapwa hubo’t hubad na nagkapatong sa plastic bench.
Agad na nagbihis ang mag-lover kaya naman ay humingi ng tulong si Donald kay Reque Santiago, chairman of Barangay Gallano na siya namang tumawag ng pulis.
Ayon kay Donald na ang kanyang kamag-anak at mga kaibigan ay nagsabi sa kanya na ang misis nito ay sekretong nakikipagtagpo kay Chester.
Inamin din ni Donald na matagal na silang hiwalay ni Jonnalyn, subalit kakasuhan niya pa rin ang dalawang mag-lover.