MANILA, Philippines — Isang lalaki ang pinagbabaril habang naglalakad ng riding-in- tandem suspect, kahapon ng madaling araw sa Quezon City.
Ang biktima na idineklarang dead on arrival sa Nova District Hospital dahil sa mga tama ng bala sa likod at tiyan ay kinilalang si Paolo Unabia, 47, ng No.581 Wings Compound, Brgy. Bagbag, Novaliches, Quezon City.
Nasa kustodiya naman ng pulisya ang suspek na si Alexander Galgana, 32, alyas Antong ng No. 625 Biglang-Awa, Brgy. Bagbag Novaliches, Quezon City habang pinaghahanap pa ang mga kasabwat nito na sakay ng Mio i 125 motorcycles na may plakang 825NXJ.
Sa pagsisiyasat, nangyari ang pamamaril, ala- 1:25 ng madaling araw sa eskinita ng No. 625 Biglang-Awa Compound nang nasabing barangay.
Sa pagsusuri ng pulisya sa CCTV ng barangay ay nakita si Galgana na naglalakad habang hawak ang kanyang cellphone.
Kasunod nito, nakita rin sa CCTV na itinuro ni Galgana sa riding-in- tandem ang nakatayong si Unabia sa eskinita.
Dito na lumapit ang riding-in-tandem at pinagbabaril nang malapitan ang biktima.
Patuloy ang imbestigasyon sa pamamaril at posibleng motibo sa krimen.