MANILA, Philippines — Isang Nigerian national ang nadakip sa isinagawang buy-bust operation ng Las Piñas City Police Station Drug Enforcement Unit sa Brgy. Talon Dos, kamakalawa ng gabi.
Kinilala ang naarestong suspek na si alyas “Christian”, 43, na nasamsaman ng hinihinalang shabu na nagkakahalaga ng P204,000.00 at cellphone na ginamit sa transaksyon.
Sa ulat, alas-9:00 ng gabi nang mahulog at maaresto ang suspek sa ikinasang buy-bust operation at nasa 30 gramo ng pinaniniwalaang shabu na nasamsam mula sa suspek.Nabawi din ang marked money na ginamit sa operasyon.