Police asset, drug pusher todas sa buy-bust

MANILA, Philippines — Isang police asset ang nasawi nang ito ay barilin ng isang drug pusher na napatay din ng mga pulis nang mauwi sa shootout ang isang buy-bust operation sa Barangay San Vicente, Sta. Maria, Bulacan, kamakalawa ng gabi.

Sa ulat ni Lt. Colonel Voltaire Rivera, hepe ng Sta. Maria-PNP, kasalukuyang nagsasagawa ng surveillance ang mga pulis kasama ang kanilang asset na si Bernard De Guzman, alyas “Nikki” nang makatunog ang target at pinutukan ito.

Sa ulat, alas- 8:30 ng gabi nang maglatag ng drug bust operation ang mga otoridad sa nasabing barangay at target si Alexis na kilalang tulak sa nasabing lugar.

Dito ay binaril ng suspek ang police asset na si Nikki at nang tangkang tatakas sakay ng kanyang motorsiklo ay pinutukan ito ng mga pulis at natamaan at napatay.

Nabawi sa suspek ang isang medium size plastic sachet ng shabu, isang kalibre .45, isang cellphone at shabu paraphernalia.