May-ari ng motor na maingay pinatawag ng LTO

MANILA, Philippines — Isang residente ng San Mateo Rizal na may-ari ng motorsiklo na may maingay na nakalagay na accessory habang nag-iikot sa Brgy. Santolan, Pasig City ang ipinatawag ng Land Transportation Office (LTO) sa October 16.

Pinadalhan na rin ng LTO NCR ng show cause order (SCO) ang may-ari ng sasakyan upang magpaliwanag kung bakit hindi ito maaaring maparusahan kaugnay ng paglabag sa traffic rules tulad ng hindi otorisadong paglalagay ng accessories sa sasakyan at improper person to operate a motor vehicle.

Sinabi ni LTO Chief Vigor D. Mendoza na ang SCO ay ipinalabas nang may magreklamo sa LTO NCR hinggil sa sobrang lakas ng ingay na nilikha ng naturang motor­siklo buhat sa nakakabit na accessory sa sasakyan habang nasa Pasig.