MANILA, Philippines — Umaabot na sa halos P27 milyon ang bilang ng enrollees para sa School Year 2023-2024.
Ito ang iniulat ng Department of Education (DepEd) batay sa huling datos mula sa Learner Information System (LIS) para sa SY 2023-2024 hanggang alas-2:10 ng hapon nitong Setyembre 15, 2023, ay nakapagtala na ng 26,912,559 kabuuang bilang ng mga estudyante na nagparehistro sa public at private schools, gayundin sa state universities and colleges (SUCs) at local universities and colleges (LUCs), para sa kasalukuyang taong panuruan.
Pinakamarami pa rin ang bilang ng mga estudyanteng nagpatala sa Region IV-A (Calabarzon) na umabot sa 3,913,016; Region III (Central Luzon) na may 2,956,658 enrollees at National Capital Region (NCR) na may 2,779,389 enrollees.
Habang ang Alternative Learning System (ALS) naman ay nakapagtala na ng 330,578 enrollees.
Kumpiyansa rin ang DepEd na maaabot nila ang mahigit sa 28 milyong enrollees na target hanggang sa nasabing panahon.