8 parak sa ‘Jemboy Slay’ sibakin sa serbisyo
Resolusyon ng PNP-IAS…
MANILA, Philippines — Walong pulis na sabit sa pagpatay kay Jerhode “Jemboy” Baltazar noong nakaraang buwan sa Navotas ang ipinasisibak sa serbisyo ng Philippine National Police-Internal Affairs Service (PNP-IAS).
Guilty umano sina Executive Master/Sgt. Roberto Balais Jr.; Staff Sergeants Antonio Bugayong Jr.; Gerry Maliban; at Nikko Pines Esquillon; Cpl. Edmard Jake Blanco; at Pat. Benedict Mangada sa grave irregularity in the performance of duty at conduct unbecoming of a police officer, habang guilty naman sa grave neglect of duty sina Captains Mark Joseph Carpio; at Luisito de la Cruz.
Ipinasa ng IAS ang kopya ng resolusyon sa National Capital Region Police Office (NCRPO), na otorisadong mag-apruba sa rekomendasyon, at kapag naaprubahan ito ay mawawala lahat ng benepisyo ng mga nasabing pulis liban sa leave credits.
Nilabag umano ng mga parak ang standard operating procedures nang barilin si Baltazar sa bangka at muli nang lumundag ito sa tubig at sinabi ng mga saksi na talagang nais patayin ng mga pulis si Jemboy.
Napagkamalang suspek sa pamamaril si Baltazar sa Barangay North Bay Boulevard South Kaunlaran noong Agosto 2.
- Latest