Bagyong Egay, isa nang super typhoon — PAGASA
MANILA, Philippines — Umabot na sa kategoryang “super typhoon” ang binabantayang bagyong Egay na tinutumbok ang Northern Luzon.
Napanatili ng super typhoon Egay ang kanyang lakas habang patuloy na nagbabanta sa hilagang kanluran
Sa latest monitoring ng PAGASA sa bagyo, alas-2:00 ng hapon kahapon, ang sentro ni Egay ay namataan 230 kilometro ng silangan hilagang silangan ng Tuguegarao City, Cagayan o nasa layong 240 kilometro ng silangan ng Aparri, Cagayan taglay ang lakas ng hangin na umaabot sa 185 kilometro bawat oras malapit sa gitna at may pagbugso ng hangin na umaabot sa 230 kilometro bawat oras.
Dulot nito, nakataas ang public storm Signal Number 5 sa eastern portion ng Babuyan Islands (Camiguin Island) at Signal Number 4 sa northeastern portion ng mainland Cagayan (Santa Ana at Gonzaga) at nalalabing bahagi ng Babuyan Islands.
Signal number 3 sa northeastern portion ng Isabela (Divilacan, Maconacon, Palanan, Santa Maria, San Pablo, Santo Tomas, Cabagan,Tumauini), nalalabing bahagi ng Cagayan, Apayao, eastern portion ng Ilocos Norte (Vintar, Adams, Pagudpud, Dumalneg, Nueva Era, Carasi, Bangui, Piddig, Solsona), northeastern portion ng Kalinga (Rizal, Pinukpuk) at Batanes.
Signal number 2 sa nalalabing bahagi ng Isabela, northern at central portions ng Aurora (Dilasag, Casiguran, Dinalungan, Dipaculao), Quirino, nalalabing bahagi ng Kalinga, northeastern portion ng Nueva Vizcaya (Kasibu, Quezon, Diadi, Bagabag, Ambaguio, Villaverde, Solano, Bayombong), nalalabing bahagi ng Ilocos Norte, Ilocos Sur, Abra, Mountain Province, Ifugao, northern portion ng Benguet (Bakun, Mankayan, Buguias, Kabayan, Kibungan, Atok) at northern portion ng La Union (Bangar, Sudipen, Luna, Balaoan, Santol).
Signal number 1 sa Quezon kabilang ang Pollilo Islands, nalalabing lugar ng Aurora, nalalabing bahagi ng Nueva Vizcaya, nalalabing bahagi ng Benguet, nalalabing bahagi ng La Union, Nueva Ecija, Pangasinan, Tarlac, Zambales, Bulacan, Pampanga, Bataan, Marinduque, Cavite, Metro Manila, Rizal, Laguna, Batangas, Camarines Norte, Camarines Sur, Albay, at Catanduanes.
Malakas din ang pag-ulan hanggang sa Huwebes sa Babuyan Islands, Ilocos Norte, northern portions ng Abra and Ilocos Sur, northwestern portions ng mainland Cagayan, northern portion ng Apayao, nalalabing bahagi ng Abra, at Ilocos Sur gayundin sa Benguet, La Union, Pangasinan, western portions ng Kalinga at Mountain Province at nalalabing bahagi ng Apayao kasama na ang Batanes.
Si Egay ay inaasahang babagsak sa lupa o dadaan malapit sa Babuyan Islands-northeastern mainland Cagayan area gabi ng Martes o umaga ngayong Miyerkules.
- Latest
