Food stamp program, aprub na kay Marcos
MANILA, Philippines — Inaprubahan na ni Pangulong Ferdinand “Bongbong” Marcos Jr. ang pilot run at implementasyon ng food stamp program ng pamahalaan.
Ito ang inanunsyo ni Department of Social Welfare and Development (DSWD) Secretary Rex Gatchalian kasabay ng press briefing sa Palasyo kahapon.
“The President approved the run of the pilot, which is fully-funded through grants… grants from the ADB (Asian Development Bank), JICA (Japan International Cooperation Agency) and the French Development Agency. So that will be $3 million all in all,” pahayag ni Gatchalian.
Ani Gatchalian, nais umano ng Pangulo na isama maging ang mga single parent, buntis at nagpapasusong mga ina sa naturang programa.
“Ang marching order ng Pangulo dapat malabanan natin ang stunting at ang kagutuman, pagsanib-pwersa ng mga iba’t ibang programa ng gobyerno, para hindi sila piece by piece ang turing sa mga programa,” dagdag pa ng kalihim.
Target nito ang pinakamahirap na isang milyong kabahayan mula sa Listahanan 3 na kabilang sa food poor criteria na tinukoy ng Philippine Statistics Authority (PSA).
- Latest
