MANILA, Philippines — Dahil sa pagharap ng Pilipinas sa El Niño ngayong taon ay hinikayat ni Pangulong Ferdinand Marcos Jr. ang publiko at local government units na magtipid sa paggamit ng tubig at power resources.
“The Philippines’ power demand far exceeds the supply in the country, and the 35 percent decrease in rainfall has already affected several dams, irrigation systems and hydroelectric power plants,” ayon kay Pangulong Marcos sa kanyang YouTube vlog.
“Ang DILG inatasan natin na paratingin sa mga LGU ang kampanya natin sa pag-mitigate ng impact ng El Niño gaya ng pagtitipid ng tubig sa bahay, sa mga car wash, sa mga pagdidilig ng golf course at pagre-refill ng mga swimming pool,” ayon sa Pangulo.
“Lahat tayo ay may maitutulong, lahat tayo ay may magagawa,” dagdag na wika nito sabay sabing “The government has been supporting projects that help generate or store more power for the Philippines.”
Ang energy production aniya ay pinapaigting sa pagbubukas ng mas maraming renewable energy sources.
Sa katunayan nga aniya, kamakailan lamang ay in-extend ng gobyerno ang Malampaya service.
Maliban sa monitoring at pagaanin ang epekto ng El Niño sa sektor ng agrikultura, enerhiya at kalusugan, sinimulan na rin ng pamahalaan ang paghahanda para sa posibleng La Niña matapos ang panahon ng tagtuyot o dry spell.