Higit 10 pang kaso ng pagpatay sa Negros Oriental sisilipin
MANILA, Philippines — Sinabi kahapon ni Justice Secretary Jesus Crispin Remulla na sisilipin nila ang mahigit 10 iba pang ulat ng mga pagpatay sa Negros Oriental.
Ito ay kasunod nang pagbisita ni Remulla sa lamay ni Negros Oriental Governor Roel Degamo nitong Miyerkules at nakakakita sila ng “pattern of impunity” sa probinsya.
“I think that a lot of people are coming out with information about past cases, but we have to process them properly. We have to look at the evidence. We have to look at the statements. But we’ll look at them one by one,” sinabi ni Remulla sa isang ambush interview.
“Kasi ano to eh, ito yung mga reklamong dumating sa amin nung pumunta kami sa wake. And they informed us about what was happening in Negros Oriental, in Bayawan City, in Dumaguete, and other areas,” dagdag niya.
Matatandaan na noong Marso 4 ay binaril-patay si Degamo at iba pang mga nadamay kasabay ng pamamahagi nito ng ayuda sa mga residente sa harap ng tirahan nito sa Pamplona, Negros Oriental.
- Latest
