MANILA, Philippines — Isa na naman pahirap sa mga motorista ang anunsyo na magkakaroon muli ng bahagyang pagtaas sa mga presyo ng diesel at gasolina sa Martes, Pebrero 21.
Sinabi ng ilang industry experts nitong Sabado, na inasahang magkakaroon ng pagtataas sa presyo sa diesel, na nasa P0.70 hanggang P0.90 kada litro.
Samantala, ang presyo ng gasolina ay maaaring tumaas ng mula P0.50 hanggang P0.70 kada litro.
Sa kabilang dako, ang presyo naman ng kerosene ay maaaring maging steady lamang o bumaba pa ng hanggang P0.15 kada litro.
Matatandaang dalawang magkasunod na linggo na nagkaroon ng tapyas sa presyo ng mga produktong petrolyo sa bansa, na ikinatuwa ng mga motorista.