MANILA, Philippines — Inanunsyo kahapon ng Metropolitan Waterworks and Sewerage System (MWSS) na sapat ang suplay ng tubig sa Metro Manila at mga kalapit na lalawigan hanggang sa susunod na taong 2023.
“I think we don’t have any concern or problem with regard to the water situation this year up to December and also up to next year,” sabi ni MWSS administrator Leonor Cleofas.
Ani Cleofas, bagama’t ang karamihan ng pinagkukunan ng tubig ay mula sa Angat Dam, marami pa namang ibang mga sources na pinagmumulan ng tubig para isuplay sa Metro Manila at karatig lalawigan.
“This is because of our Umiray River. We have the Umiray tunnel that augments the water in Angat,” sabi ni Cleofas.
Aniya, ang Umiray-Angat Transbasin Rehabilitation Project ay dinisenyo para magbigay ng dagdag na tubig sa Angat Water System.
Sa latest monitoring, ang water level ng Angat Dam ay umaabot sa 208 metro na bahagyang mababa sa 210 metro na normal na water level sa dam.
Ang Angat ang nagsusuplay ng 90 porsyento ng tubig sa Kalakhang Maynila.
“Although our target is 210 meters so we are almost there, we want to maximize [that] up to 212 meters and also as I’ve said, we have other sources like the Cardona and Putatan water treatment plants that draw water from Laguna Lake and also this one,” dagdag ni Cleofas.