MANILA, Philippines — Limang katao ang patay sa pamamaril at pananaga noong Linggo ng umaga sa Lantapan, Bukidnon. Sa ulat ng pulisya, isang bahay na pagmamay-ari ng isang Mael Lugnasan ang pinasok ng 6 na mga suspek at doon na nagsimula ang walang habas na pamamaril.
Dito ay namatay ang 4 na magkakamag-anak kasama ang isang menor de edad habang nakaligtas ang may-ari ng bahay na si Lugnasan na may tama ng bala sa tiyan.
Makalipas nito, nagtungo naman ang suspek sa bahay ng isa pang residente at doon naman pinagtataga ng bolo ang mga naabutan doon.
Nasawi sa nangyaring pananaga ang lalaking kinilala na si Daniel Lugnasan.
Ayon sa Lantapan police, naaresto na ang 3 sa mga suspek at patuloy naman ang paghahanap sa nakawalang 3 iba pa.Hinihinalang dahil sa lupa ang motibo ng pamamaslang.