MRT-3 magtataas ng pasahe

MANILA, Philippines — Nilinaw kahapon ni Department of Transportation (DOTr) Undersecretary Cesar Chaves na hindi umano maiiwasan ang pagtataas ng pasahe sa Metro Rail Transit Line 3 (MRT-3), kahit ito ay hindi  pa maisapribado.

Ayon kay Chavez, ‘inevitable’ o hindi talaga maiiwasan na mag­taas ang pasahe ng MRT-3 kahit ang pamahalaan pa rin ang namamahala dito dahil na rin sa tuma­taas na singil sa kuryente at halaga ng mga spare parts nito.

Nabatid na ang planong isapribado ang MRT-3 ay upang mapa­ganda pang lalo ang serbisyo  ay isa sa mga panukalang pinag-aaralan ngayon ng pamahalaan bunsod na rin nang nakatakda nang pagtatapos ng build-lease-transfer contract ng Metro Rail Transit Corporation sa 2025.