Marcos nasa tamang landas sa pamamalakad ng gobyerno

MANILA, Philippines — ‘On the right track’ si Pangulong Ferdinand “Bong­bong” Marcos Jr. sa pamamalakad sa gobyerno matapos naman itong makakuha ng mataas na ratings sa ka­ta­tapos na Pulse Asia survey.

Ito ang inihayag kaha­pon ni House Speaker Martin Romualdez bilang reak­syon sa nakuhang mataas na iskor sa pagpapatakbo ni PBBM sa gobyerno.

Sinabi ni Romualdez na masaya ang mga Pilipino sa naging pagtugon ng ad­mi­nistrasyon ni Pangulong Marcos partikular na sa ma­paminsalang super ty­phoon­ Karding  sa naku­hang 78% approval rating sa Pulse Asia survey.

Nakakuha rin ang administrasyon ng 78% rating sa pagtugon at control mea­sure sa COVID-19.

Inihayag ni Romualdez­ ang desisyon ng gob­yerno­ na ipagpatuloy ang pagbu­bukas ng ekonomiya habang tinitiyak na ma­pipigilan ang pagkalat ng COVID-19 ay nagpalakas sa kahandaan ng health care system na nagresulta sa mas marami pang aktibidad sa ekonomiya, maraming tra­baho at pagtaas ng kita ng mga tao.

Ayon kay Romualdez, ang pagtaas ng inflation ay dahilan sa pagbulusok­ ng piso sa palitan nito sa dolyar, pagtaas ng presyo ng krudo sa pandaigdigang pamilihan at dahilan sa mga sagabal sa supply ­chain dulot ng CO­VID-19 at giyera ng Russia laban sa Ukraine.