Presyo ng diesel at kerosene bababa, gasolina tataas

MANILA, Philippines — Sa susunod na linggo ay asahan na muling magkakaroon ng pagbaba sa presyo ng produktong diesel at kerosene, pero tataas naman ang presyo ng gasolina.

Ayon sa mga kum­panya­­ ng langis, inasahang­ bababa ang presyo ng diesel ng may P2.80 hanggang P3.10 kada litro at bababa ng P3 kada litro sa kerosene, samantalang ang presyo ng gasolina ay tataas ng P0.30 hanggang P0.60 kada litro.

Kinumpirma naman ni Department of Energy-Oil Industry Management Bu­reau (DOE-OIMB) Di­rector Rino Abad na ina­asahang bababa ang presyo­ ng diesel at kerosene sa susunod na linggo pero hindi pa tiyak kung tataas o bababa ang presyo ng gaso­lina. Ang paggalaw ng presyo ng petrolyo ay dulot ng pagbaba ng piso kontra dolyar.