SIM card bill isabatas na laban sa ‘personalized’ text scam

MANILA, Philippines — Kasabay ng pagsusulong ng panukalang subscriber identity module (SIM) card registration bill ay magsasagawa ng imbestigasyon ang Senate committee on public services kaugnay sa kumakalat na “personalized” text scam.

Ayon kay Senador Grace Poe, chairman ng committee na isasagawa ang imbestigasyon kasama ang ­Senate committee on committee on trade,. commerce and entreprenuership sa Miyerkules bilang tugon umano sa bagong text scam at matukoy kung paano tutugunan ang ganitong uri ng banta sa cybersecurity.

Dahil sa kawalan ng umiiral na batas kaya malayang nakakapanloko ang hackers, spammers at phishers dahil naitatago nila ang kanilang mga pagkakakilanlan.

Ang masama pa umano ay mas nagiging mas makabago at sophisticated sila kung saan ang kanilang mga target na scam messages ay naglalaman na ng mga pangalan celphone number ng kanilang bibiktimahin.

Sa ilalim ng Senate Bill No. 99 o ang “Subscriber Identity Module Card Registration Act” na inihain ng mambabatas, inaatasan nito ang lahat ng telcos na kailangang iparehistro ng kanilang subscriber ang SIM card bago ang activation at magamit at kapag hindi ito nagawa, ikakansela ang SIM card.