Pulis, suspek todas sa anti-drug ops
MANILA, Philippines — Kapwa nasawi ang isang pulis at drug suspect nang mauwi sa shootout ang ginawang anti-drug operation kamakalawa sa Consolacion, Cebu.
Kinilala ang nasawing pulis na si P/Staff Sergeant Careby Clyde Alinsug, 32, miyembro ng Municipal Drug Enforcement Unit (MDEU) Consolacion habang sugatan ang police asset na si Gibson Tibon.
Sa ulat, nagsagawa ng follow-up operation ang Consolacion Police Station, Cebu Police Provincial Office at Mandaue City Police Office, alas-7:00 ng umaga sa Sitio Tarcom, Barangay Lahug, Cebu City at target ang suspek na si Reynaldo Ydil, alias “Tata” o “Tatski” na kilalang ‘tulak’ sa lugar.
Subalit sa halip na sumuko ay pinaputukan nito ang mga otoridad kung saan timaan si Alinsug at ang police asset.
Kaya’t gumanti ng putok ang mga pulis na ikinamatay din ng suspek.
- Latest
