MANILA, Philippines — Inanunsyo ng Maynilad sa kanilang mga kustomer na tatagal pa ang nararanasang water interruption ng hanggang Hunyo 1 sa kabila ng pangakong pagbabalik sa normal ang supply ng tubig sa Mayo 16.
Ayon sa Maynilad Water, pinalawig nila ang off peak water interruption para maiwasan ang mabilis na pagkasaid ng imbak na tubig sa tanghali na panahon na mataas ang demand sa suplay.
Pahirapan pa rin sa tubig ang ilang mga barangay sa Bulacan, Valenzuela, Parañaque, Pasay, Makati, Navotas, Manila, Quezon City, Malabon, at Caloocan City.Tumatagal ang water interruption ng alas-10:00 ng gabi hanggang alas-4:00 ng umaga.
Hiniling ng Maynilad sa publiko lalu na sa mga residente ng Metro Manila na magtipid sa paggamit sa tubig at huwag mag-aksaya upang makatulong na maiwasan ang kakulangan sa suplay.