MANILA, Philippines — Apat na mangingisda ang nasawi noon din matapos sumabog ang ginagawa nilang dinamita na gagamitin sa kanilang pangingisda naganap, kamakalawa sa Sitio Ipil 2, Brgy. Buyo, Claveria, Masbate.
Ang mga nasawi ay kinilalang sina Eddie Lape Maloloy-on Jr., 20; Ryan Bonggot Manapao, 30, pawang residente ng naturang lugar; Jonathan Albao Lape, 41; at Roque Mar Yuson Guazon, 19, kapwa residente ng Sitio K-Putol, Brgy. Pasig, Claveria.
Sa ulat, alas-2:30 ng hapon ay gumagawa ng mga dinamita ang apat sa loob ng bahay ni Maloloy-on gamit ang ammonium nitrate na kilala sa tawag na “abuno” at blasting caps para gamitin nila sa panghuhuli ng isda.
Gayunman, biglang sumabog ang mga dinamita sa harap ng mga biktima na agad nilang ikinasawi. - Doris Franche