MANILA, Philippines — Pinaplano ng Criminal Investigation and Detection Group (CIDG) na magsampa ng hold departure order laban sa balikbayang galing sa United States na si Gwyneth Chua na binansagang ‘Poblacion Girl’ na lumabag sa protocol.
Sinabi ng CIDG na inihahanda na nila itong isampa sa Makati Prosecutor’s Office.
Una nang kinasuhan si Chua, kanyang magulang, limang hotel personnel at kanyang kasintahan sa paglabag sa Republic Act 11332 o ang Mandatory Reporting of Notifiable Diseases and Health Events of Public Health Concern Act.
“We are planning to file yung hold departure order para during the trial palagi pong maka-attend si Ms. Chua doon sa court hearing. In coordination po doon sa Makati Prosecutor’s Office,” ayon pa sa CIDG.