MANILA, Philippines — Bago sumapit ang Pasko at Bagong Taon ay inilabas na ng Philippine National Police (PNP) ang mga pangalan at brands ng mga pinapayagan at ipinagbabawal na firecrackers at pyrotechnics.
Ayon kay PNP chief Gen. Dionardo Carlos na nakasaad sa RA 7183 at EO 28 ang mga firecrackers na “regulated for sale and use” ay ang Baby Rocket; Bawang; El Diablo; Judas’ Belt; Paper Caps; Pulling of Strings; Sky Rocket (Kwitis); Small “Triangulo”; at iba pang paputok na hindi oversized, hindi overweight, at hindi imported.
Ang mga sumusunod naman ang pinapayagang pyrotechnic devices ay ang Butterfly; Fountain; Jumbo Regular and Special; Luces; Mabuhay; Roman Candle; Sparklers; Trompillo; Whistle Device; Lahat ng uri ng pailaw; at iba pang uri na katumbas ng pyrotechnic devices.
Samantala, narito naman ang mga ipinagbabawal na paputok:Watusi; Piccolo;Poppop; Five Star; Pla-pla; Lolo Thunder; Giant Bawang; Giant Whistle Bomb; Atomic Bomb; Super Lolo; Atomic Triangle; Goodbye Bading; Large-size Judas Belt; Goodbye Philippines; Goodbye Delima;Bin Laden; Hello Columbia; Mother Rockets; Goodbye Napoles; Coke-in-Can; Super Yolanda; Pillbox; Mother Rockets; Boga; Kwiton; Kabasi at lahat ng overweight at oversized firecrackers at pyrotechnic devices (FCPD).