Marcos isusulong na palakasin ang agrikultura

MANILA, Philippines — Nais umanong isulong ni presidential aspirant Ferdinand ‘Bongbong’ Marcos, Jr., na isulong ang isang ‘buohang paglapat ng sistema’ na magpapalakas sa sektor ng agrikultura ng bansa. Sinabi ni Marcos na kanyang nakikita ang pangangailang mas mapaunlad ang sistema ng agrikultura upang mas lalong makapagbigay ang gobyerno ng magandang buhay sa mga magsasaka na lubusang naapektuhan ng pandemya.

Ayon sa standard-bearer ng Partido Federal ng Pilipinas, ang kanyang plano ay mamumuhunan ng malaki sa pananaliksik at paggawa ng mga programang tiyak na makakatulong sa mga magsasaka hanggang makatapos sila sa pag-aani. Idinagdag pa ni Marcos, ang bawat programa ay makakatulong sa bawat isa na siyang magreresulta sa masagana at masiglang sektor ng agrikultura.

“Malaking sistema ang agrikultura at kailangan natin buuin ulit yan para maging mas maganda ang buhay ng ating mga farmer. Ang tulong na mabibigay ng gobyerno ay magbuo ng sistema gaya ng meron tayo noon,” ayon sa standard-bearer ng Partido Federal ng Pilipinas.