Bilang ng nasawi sa Bagyong Dante, 4 na; 7 missing
MANILA, Philippines — Ayon sa tala ng National Disaster Risk Reduction and Management Council’s (NDRRMC) ay apat na ang nasawi habang pito ang nawawala sa bagsik ni Tropical Storm Dante,
Batay sa record, ang mga nasawi ay mula sa Mimaropa, Western Visayas, Eastern Visayas, Davao, at Soccsksargen regions.
Nadagdag sa bilang ng mga nasawi ang 55-anyos na lalaki na si Mario Moreno ng Norala, South Coatabto na tinangay ng baha at ang katawan ay narekober nitong Miyerkules sa Lambayong, Sultan Kudarat. Unang naitala ang pagkalunod ng isang 14-anyos na babae sa nasabi ring bayan.
Samantala, apat sa pitong nawawala ay pawang mga mangingisda na ang tatlo ay mula sa Capiz at isa ay mula sa Daco, Davao de Oro matapos pumalaot sa kabila ng matinding hagupit ng bagyo.
Ayon sa NDRMMC, patuloy ang isinasagawang search and rescue operation para sa mga nawawala.
- Latest
